Хонг Конгийн Хятадын Их Сургуулийн Профессор Anil T. Ahuja 2010 оны 3 сарын 24-25 хооронд манай улсад айлчилахдаа Монголын Радиологийн Нийгэмлэгтэй хамтран ажиллах хүсэлтэйгээ илэрхийлж, Дүрс Оношлогооны Резидентийн сургалтыг 3 жилийн хугацаатай болгоход Хонг Конгийн Хятадын Их Сургууль үнэтэй зөвлөгөө өгч туслана гэдгээ амлав.
Ази Номхон Далайн Радиологийн Нийгэмлэгийн 13-р чуулган Тайваны Тайпей хотод 2010 оны 03 сарын 20-23 хооронд болсон ба тус хуралд манай улсаас Д.Гончигсүрэн, Ц.Эрдэмбилэг, З.Лхагвасүрэн, Мөнгөн-Өлзий, Дэлгэрэх нар оролцоод ирлээ. Ц.Эрдэмбилэг "Endovascular Treatment Solution of Diabetic Foot", Мөнгөн-Өлзий "Developing Interventional Procedures , Experience Sharing" сэдэвт бүтээлийг тус тус амжилттай хэлэлцүүлсэн байна.
2009 оны 9-р сарын 3-6ны өдрүүдэд Монголын Радиологийн Нийгэмлэг Европын Холбооны “Asia Link” Хөтөлбөрийн хамтарсан төслийн хүрээнд зохиогдсон, “Молекул Дүрс Оношлогоо” Олон улсын хурал болон “Монголын Дүрс Оношлогооны Эмч нарын Үндэсний Чуулган” амжилттай болж өндөрлөлөө.
Энэ удаагийн олон улсын хуралд Бельги, Франц, Герман, Хятадын эрдэмтэд оролцож, дүрслэл оношлогооны хамгийн орчин үеийн нэгэн салбар болох “Молекул Дүрс Оношлогооны” үндсэн ойлголт, энэ чиглэлд хийгдэж буй эрдэм шинжилгээний бүтээлүүдийн талаар маш сонирхолтой лекцүүдийг уншсан бөгөөд монгол улсын өнцөг булан бүрээс эмч нар ирж оролцон нийт 120 гаруй эмч нар уг сургалтанд хамрагдлаа.